चन्द्रगढीमा घरमै राखेका दुई मोटर साइकलमा आगजनी प्रयास

भद्रपुर । भद्रपुर १० चन्द्रगढी स्थित वीपी टोल विकासमा घरमै राखिएको अवस्थामा दुई वटा मोटर साइकलमा अज्ञात समूहले आगजनी प्रयास गर्दा क्षति पुगेको छ ।

सिर्जनशील सरस्वती मार्गमा रहेको राधाकृष्ण अधिकारीका दुई वटा मोटरसाइकलमा गएराति अज्ञात समूहले आगजनी प्रयास गर्दा क्षति पुगेको हो ।

पीडित अधिकारीका अनुसार गएराति ९.३० वजेतिर एक्कासी त्रिपालले छोपेर राखेको मोटरसाइकलमा आगो बलेको देखिएपछि आगलागेको मोटरसाइकलको पछाडिको भाग जलिरहेको अवस्थामा आगो नियन्त्रणमा लिँदा थप क्षति हुन पाएन ।

आगलागीबाट प्र—१—०१—१२ प ५२३९ को पल्सर मोटरसाइकलमा पछाडिपट्टि पूर्ण क्षति भएको छ भने मे ७ प ९६९७ मा पनि क्षति पुगेको छ ।

पीडितका अनुसार घर अगाडि पूर्ण रूपमा गेट बन्द रहेका कारण पछाडिबाट मोटरसाइकल चोर्न पसेका व्यक्तिले गेट फुटाउन नसकेपछि त्रिपालले छोपेका मोटरसाइकलमा आगो लगाएर भागेको हुन सक्ने अनुमान छ ।

झापा प्रहरीले पनि यस विषयमा अनुसन्धान भइरहेको जनाएको छ ।