झापामा मुख्य निर्वाचन अधिकृत तथा निर्वाचन अधिकृतहरु नियुक्त

झापा । मंसिर ४ मा हुने निर्वाचनका लागि झापामा मुख्य निर्वाचन अधिकृत तथा निर्वाचन अधिकृतहरु नियुक्त गरिएको छ । निर्वाचन आयोगका अनुसार, झापाको ५ वटा निर्वाचन क्षेत्र मध्ये क्षेत्र न. १ मा सञ्चार तथा सूचना प्रविधि मन्त्रालयका उपसचिव टंकबहादुर महत, २ मा मुख्य न्यायधिबक्ताको कार्यालय १ नम्बर प्रदेश विराटनगरका उपन्यायधिबक्ता केशव प्रसाद पन्तलाई निर्वाचन अधिकृत नियुक्त गरिएको छ ।

त्यस्तै, जिल्ला अदालत झापाका जिल्ला न्यायधिश चन्द्रमणी ज्ञवालीलाई क्षेत्र न. ३ मा मुख्य निर्वाचन अधिकृत नियुक्त गरिएका छन् , जिल्ला सरकारी वकिल कार्यालय झापाका जिल्ला न्यायधिबक्ता प्रकाश गौतम क्षेत्र न. ४ मा र क्षेत्र न. ५ मा न्यायधिबक्ताको कार्यालय काठमाण्डौका उपन्यायधिबक्ता डम्बर प्रसाद काफ्लेलाई निर्वाचन अधिकृत नियुक्त भएको आयोगले जनाएको छ ।