सत् मिलन महिला समूहद्वारा गंगा प्रसाद श्रेष्ठ लगायत १२ जना सम्मानित

सन्दर्भ समाचारदाता

भद्रपुर । कुशै औंशी (बुबाको मुख हेर्ने दिन)–को अवसरमा जेष्ठ नागरिक १२ जनालाई सत् मिलन समूह, भद्रपुरले विशेष कार्यक्रममा सम्मान गरेको छ ।

सम्मानित हुनेहरुमा भद्रपुर नगरपालिका वडा नं. ७ निवासी गंगा प्रसाद श्रेष्ठ, नारायण प्रसाद श्रेष्ठ, गणेश गेलाल, गोपाल बहादुर श्रेष्ठ, गणेश बहादुर कार्की, विनोद कुमार पोखरेल, पहलमान कार्की, श्याम कुमार लेप्चा, अम्विका प्रसाद प्रसाई, दुलालचन पासवान, पिताम्वर गौतम र टिका प्रसाद मैलानी रहेका थिए ।

समूहका अध्यक्ष यसोदा कँडेल कोइरालाको अध्यक्षतामा सम्पन्न कार्यक्रममा प्रमुख अतिथि भद्रपुर नगरपालिकाका नगर प्रमुख गणेश पोखरेल, विशेष उपप्रमुख राधा कार्की, निवर्तमान नगर प्रमुख जीवन कुमार श्रेष्ठ, नेपाल महिला संघ क्षेत्रीय समिति क्षेत्र नं. ३ (क) का सभापति शर्मिला अधिकारी, नेपाल महिला संघ क्षेत्रीय समिति क्षेत्र नं. ३ (ख) का सभापति उर्मिला गौतम, अधिवक्ता भरत प्रसाईको आतिथ्यिता रहको थियो ।

सो अवसरमा प्रमुख अतिथि पोखरेल, शर्मिला अधिकारी लगायतले शुभकामना मन्तव्य राखेका थिए । कार्यक्रममा स्वागत मन्तव्य समूहका पूर्व अध्यक्ष एवम् सल्लाहकार मन्जु दाहालले गरेको कार्यक्रमको संचालन समूहका सचिव मेनका शर्माले गरेका थिए ।