गुडिरहेको गाडीमा आगलागी

भद्रपुर । मेची राजमार्गको चारआली-केचना सडक खण्ड अन्तर्गत भद्रपुर ९ स्थित पारिजात चोकमा सोमबार गुडिरहेको गाडीमा अचानक आगलागी भएको छ ।

दिउसो ४ बजे चारआलीबाट चन्द्रगढी जाने क्रममा प्रदेश १-०१-००१ ज ३५५० नम्वरको सेतो रङ्गको म्याजिक भ्यानमा आगलागी भएको हो । भद्रपुर–९ लक्ष्मी चोक निवासी गाडी धनी दीपक राउतका अनुसार आगलागीबाट गाडी पूर्ण रुपमा क्षति भएपनि गाडीमा सवार यात्रुलाई केही नभएको जनाएका छन् । गाडीमा तीन जना यात्रु सवार थिए । सटसर्किटले गाडीमा आगलागी भएको हुन सक्ने अनुमान गरिएको छ ।

आचालन गाडीमा लागेको आगो स्थानीय बासीकाे सहयोगमा नियन्त्रणमा लिइएको थियाे ।