बाह्रदशी जेसीजद्वारा प्रभावकारी संचार तालिम सम्पन्न

बाह्रदशी । बाह्रदशी जेसीजकाे आयोजनामा प्रभावकारी संचार तालिम सम्पन्न गरेकाे छ ।

युवा तथा वातावरण संयोजक आश्विन देउजाले आस्था बाचन गरी संचालन गरेको कार्यक्रममा नेपाली काँग्रेस बाह्रदशी गाउँ सभापति ईन्द्र बहादुर बस्नेतको प्रमुख आतिथ्यता तथा बाह्रदशी जेसीजका अध्यक्ष पुष्पलाल धमलाको सभापतित्वमा संचालित कार्यक्रममा विशेष अतिथि निरुपित राष्ट्रिय उपाध्यक्ष कुमार सिंह साँवा लिम्वु , अतिथिहरुमा बाह्रदशी जेसीजका संस्थापक अध्यक्ष विगम श्रेष्ठ र शिवसताक्षी जेसीजका कार्यकारिणी उपाध्यक्ष निर्मला प्रधान रहेका थिए भने नेपाल जेसीज वर्ष २०२१ का कार्यकारिणी उपाध्यक्ष सुमन कृष्ण श्रेष्ठले प्रशिक्षण दिएका थिए ।

बाह्रदशी-५ स्थित दीपजन अंग्रेजी मा.वि. काे सभा हलमा सम्पन्न तालिममा ४० भन्दा वढी सदस्यहरुकाे उपस्थिति रहेको कार्यक्रममा मन्तव्य दिनेक्रममा निरुपित राष्ट्रिय उपाध्यक्ष लिम्वुले बाह्रदशी जेसीज नयाँ शाखा रहेकोले शाखामा तालिम अधिक्तम हुनु पर्नेमा जोड दिएका थिए ।

उक्त तालिमको संयोजक उपाध्यक्ष सदिक्षा खड्का र कार्यक्रम संचालन महासचिव टंक बहादुर कार्कीले गरेका थिए ।