बाह्रदशी जेसीजद्वारा सदस्यहरुलाई तालिम
भद्रपुर । बाह्रदशी जेसीजको आयोजनामा डाँगीवारीमा प्रि इण्डक्सन तथा शाखा पदाधिकारी तालिम सम्पन्न गरिएको छ ।
बाह्रदशी गाउँपालिका, डाँगीबारी स्थित गौरिशंकर मा.वि. मा नयाँ सदस्यलाई लक्षित तालिम कार्यक्रमको उद्घाटन बाह्रदशी जेसीजका अध्यक्ष पुष्पलाल धमला तथा प्रमुख अतिथि बाह्रदशी खेलकुद समितिका अध्यक्ष देबेन्द्रप्रसाद चम्लागाईले संयुक्त रूपमा गरेका थिए ।
कार्यक्रम संयोजक प्रकाश फुयालले कार्यक्रममको औचित्यमाथि प्रकाश पारेको कार्यक्रम संचालन महासचिव टंकबहादुर कार्कीले गरेका थिए ।
कार्यक्रममा अतिथि गौरिशंकर माविका प्रधानाध्यापक लेकनाथ कटुवाल र महेशकुमार झाले शुभकामना मन्तव्य राखेका थिए ।
प्रि-इन्डक्सन तथा शाखा पदाधिकारी तालिममा प्रशिक्षकका रुपमा सुरुङ्गा जेसीजका पूवृ अध्यक्ष शिवकुमार कडेलले नयाँ सदस्यहरुलाई जेसीजका बारेमा जानकारी दिदै पदाधिकारीहरुलाई काम, कर्तव्य र अधिकारकाे विषयमा जानकारी दिएका थिए ।
उपाध्यक्ष सदिक्षा खड्काले जेसीज आस्था वाचन गरेको कार्यक्रमा स्वागत मन्तव्य कार्यकारिणी उपाध्यक्ष खगेन्द्र सुवेदीले गरेका थिए भने ३३ जना नयाँ सदस्यले प्रशिक्षणमा सहभागिता जनाएका थिए ।
