भद्रपुर १० को स्वास्थ्य कार्यालयको उद्घाटन

भद्रपुर  । भद्रपुर १० नम्वर वडा कार्यालय मातहतको आधारभूत स्वास्थ्य केन्द्रको नवनिर्मित भवन उद्घाटन गरिएको छ ।

३२ लाख ३ हजार ३६६ रूपैयामा निर्मित एक तले भवनको भद्रपुर नगर प्रमुख जीवनकुमार श्रेष्ठले उद्घाटन गरेका हुन् ।

भद्रपुर १० का वडाध्यक्ष टेकबहादुर खड्का काजीको अध्यक्षता तथा भद्रपुर नगरप्रमुख जीवनकुमार श्रेष्ठको प्रमुख आतिथ्यमा सम्पन्न कार्यक्रममा भद्रपुर नगरपालिकाका प्रमुख प्रशासकीय अधिकृत टेककुमार रेग्मी, जग्गादाता लेखनाथ निरौला, भद्रपुर नगर उपप्रमुख चन्द्रमाया श्रेष्ठ लगायतले शुभकामना मन्तव्य राखेका थिए ।