बाह्रदशीमा जेसीज सप्ताहमा मिनी म्याराथुन

बाह्रदशी । प्रस्तावित बाह्रदशी जेसीजले जेसीज सप्ताह अन्र्तगत मिनी म्याराथुन प्रतियोगिता सम्पन्न गरेको छ ।

प्रस्तावित बाह्रदशी जेसीजको आयोजनामा बाह्रदशी स्थित निर्माणाधीन भ्यू टावरदेखि राजगढ बजारसम्म मिनी म्याराथुन सम्पन्न गरिएको हो ।

मिनी म्याराथुनमा गंगाराम राई प्रथम, रमेश मुर्मु द्वितीय, जदिम अख्तर तृतीय र अमित हेमरमले सान्त्वना स्थान हाँसिल गरेका थिए । प्रथमलाई नगद १० हजार, द्वितीयलाई नगद ५ हजार, तृतीयलाई नगद ३ हजार र सान्त्वना हुनेलाई नगद एक हजार सहित प्रमाण–पत्र तथा म्याडल वितरण गरिएको थियो ।

प्रस्तावित बाह्रदशी जेसीजका अध्यक्ष विगम श्रेष्ठको अध्यक्षता तथा बाह्रदशी ६ का वडाध्यक्ष रत्नप्रकाश योङहाङको प्रमुख आतिथ्यमा सम्पन्न उद्घाटन शत्रमा सप्ताह संयोजक पुष्पलाल धमलाले स्वागत र महासचिव तीर्थप्रसाद काफ्लेले सञ्चालन गरेको कार्यक्रममा बाह्रदशी खेलकुद विकास समितिका अध्यक्ष देवेन्द्र चम्लागाई, ३ नम्वर वडाध्यक्ष विरेन राजवंशी लगायत विशेष अतिथि रहेका थिए ।

प्रथम पुरस्कार नेपाल बार एसोसिएसन झापाका पूर्व अध्यक्ष सुरज खत्री, द्वितीय पुरस्कार खगेन्द्र कार्की, तृतीय पुरस्कार कार्यक्रम संयोजक संजय शाह र सान्तवना पुरस्कार बाह्रदशी वडा नं. ५ का खेलकुद अध्यक्ष सरद सिंहले सौजन्य गरेका थिए ।