छात्राहरुलाई साइकल वितरण

गौरीगंज । गौरीगंज बहुमुखी क्याम्पसमा अध्ययनरत १२ जना छात्राहरुलाई साइकल वितरण गरिएको छ विपन्न परिवारका ११ कक्षामा अध्ययनरत १२ जना छात्रालाई गौरीगंज गाउँपालिका वडा नं. ३ ले साइकल वितरण गरेको हो ।

गौरीगंज गाउँपालिका वार्ड नं. ३ को १ लाख रुपैयाँ बजेटबाट साइकल वितरण गरिएको वडा नं. ३ का अध्यक्ष मखना महतोले जानकारी दिएका छन् । साइकल वितरणबाट छात्राहरुलाई हौसला मिल्ने र घरबाट क्याम्पस टाढा भएका छात्रालाई क्याम्पस आउन सहज हुने वार्ड अध्यक्ष महतोले बताए । कार्यक्रममा वार्ड अध्यक्ष मखना महतो, गौरीगंज बहुमुखी क्याम्पसका क्याम्पस प्रमुख सर्वतलाल राजवंशी, गौरीगंज बहुमुखी क्याम्पस स्ववियु सभापति देव ताजपुरियालगायत उपस्थिति थियो । त्यसैगरी वडा नं. ३ ले विपन्न परिवारका २५ जना सदस्यहरुलाई जस्तापात वितरण गरेको छ । उनीहरुलाई आजै वडा नं. ३ का अध्यक्ष मखना महतोले जस्तापात वितरण गरेका हुन् । प्रत्येक परिवारलाई २४ वटा जस्तापाता वितरण गरिएको हो ।