ट्रकको ठक्करबाट साइकल यात्रीको मृत्यु

भद्रपुर । मिनि ट्रकले ठक्कर दिएर घाइते भएका साइकल यात्री मनोज मेचेको मृत्यु भएको छ । आज विहान साढे ९ वजे मेचीनगर–७ स्थित एनएमसी डेरी उद्योग छेउमा पश्चिमबाट पूर्व आउदै गरेको डब्लुवी ७३ वी ३३२४ भारतीय नम्बरको ट्रकले साइकल यात्री मेचेलाई ठक्कर दिँदा गम्भीर घाइते भएका थिए । मेचेलाई तत्काल बिर्तामोड स्थित वीएण्डसी अस्पताल पुर्याइएको थियो । अस्पताल परिसर पुर्याउने वितिकै मृत्यु भएको जिल्ला ट्राफिक प्रहरी कार्यालय झापाले जनाएको छ । मेचीनगर–७ स्थित इच्छा टोलका ३२ वर्षीय साइकल यात्री मेचे विहान दहि किन्न एनएमसी डेरी उद्योग गएका थिए । दहि किनेर साइकलमा घर फर्किन बाटो क्रस गर्दा उक्त ट्रकले ठक्कर दिएको थियो ।