लागू औषधसहित तीनजना पक्राउ

झापा ५ माघ । झापाको दमकबाट प्रतिवन्धित ब्राउनसुगर लागूऔषधसहित तीन जना पक्राउ परेका छन् । दमक– १ बुद्ध टोलका देवेन्द्र राईको घरमा हिजो आइतवार छापा मारी २ ग्राम ब्राउनसुगरसहित राईलाई नियन्त्रणमा लिएको दमक प्रहरीले जनाएको छ ।

यस्तै , गौरादह १ स्थित सडकखण्डमा प्रहरीले मोटरसाईकल चेकजाँच गर्दा गौरादह ३ का २७ बर्षिय लक्ष्मण दास र राम शाहको साथबाट २३ ग्राम २०० मिलिग्राम ब्राउन सुगर बरामद गरिएको इलाका प्रहरी कार्यालय दमकका प्रहरी नायव उपरीक्षक नवराज कार्कीले जानकारी दिए । प्रहरीले लागूऔषधसहित उनीहरुले प्रयोग गरेको मे ७ प ९०८१ नंम्बरको मोटरसाईकल समेत बरामद गरि आवश्यक अनुसन्धान शुरु गरिएको उनले बताएका छन् ।