नेपालमा आज १३०४ जना संक्रमित थपिए

काठमाडौं १६ मंसिर । मुलुकमा थप एक हजार ३०४ जनामा कोरोना भाइरस संक्रमणको पुष्टि भएको छ । पछिल्लो २४ घण्टामा आठ हजार ५८३ जनाको कोरोना परीक्षण गर्दा सो संख्यामा संक्रमित थपिएका हुन् ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशका बिभिन्न भागमा एक हजार ३०४ संक्रमित थपिएसंंगै नेपालमा संक्रमितको कुल संख्या दुई लाख ३३ हजार ४५२ पुगेको छ ।

नेपालमा पछिल्लो २४ घण्टामा थप २१ जनाको कोरोना भाइरसको संक्रमणका कारण मृत्यु भएको स्वास्थ्य तथा जनसंख्या मन्त्रालयले पुष्टि गरेको छ । योसँगै नेपालमा कोरोनाले ज्यान गुमाउनेको संख्या एक हजार ५२९ पुगेको छ ।