नेपालमा आज थपिए १४७४ जना कोरोना संक्रमित

काठमाडौँ १५ मंसिर । नेपालमा आज थप एक हजार ४७४ जनामा कोरोना भाइरस सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार योसँगै कुल कोरोना संक्रमितहरुको संख्या दुई लाख ३३ हजार ४५२ पुगेको छ ।

मन्त्रालयका अनुसार १७ हजार ४२३ जना आइसोलेसनमा रहेका छन् । ५३५ क्वारिन्टिनमा बसेका तथ्यांकमा उल्लेख छ । स्वास्थ्य मन्त्रालयको तथ्यांक अनुसार कुल १७ लाख ३७ हजार ४७४ पीसीआर परीक्षण गरिएको छ ।

नेपालमा पछिल्लो २४ घण्टामा २९ कोरोना संक्रमितको मृत्यु भएको मन्त्रालयले जनाएको छ । योसँगै नेपालमा कोरोनाले ज्यान गुमाउनेको संख्या एक हजार ५०८ पुगेको छ ।