आज नेपालमा थपिए २५७१ जना संक्रमित
काठमाडौँ २४ कात्तिक । पछिल्लो २४ घण्टामा देशभर दुई हजार ५७१ जनामा कोरोना भाइरस संक्रमण पुष्टि भएको छ । यससँगै कुल संक्रमितको संख्या एक लाख ९७ हजार २४ पुगेको छ । स्वास्थ्य तथा जनसंख्या मन्त्रालयका अनुसार देशभर आजसम्म सक्रिय संक्रमितको संख्या संख्या ३६ हजार १७४ रहेको छ । आजसम्म ९६७ जना क्वारेन्टिनमा रहेका छन् ।
पछिल्लो २४ घण्टामा कोरोना संक्रमणका कारण थप १८ जनाको मृत्यु भएको स्वास्थ्य तथा जनसंख्या मन्त्रालयले पुष्टि गरेको छ । योसँगै नेपालमा कोरोनाले ज्यान गुमाउनेको संख्या एक हजार १२६ पुगेको छ ।