देशभरमा आज २८१७ जनामा कोरोना पुष्टि

काठमाडौं २३ कात्तिक । आइतबार देशभर थप २८ सय १७ जनामा कोरोना पुष्टि भएको छ । यससँगै नेपालमा हालसम्म कुल संक्रमितको संख्या एक लाख ९४ हजार ४५३ पुगेको छ । त्यस्तै, हाल सक्रिय संक्रमितको संख्या ३५ हजार ४१९ छ ।

स्वास्थ्य तथा जनसंख्या मन्त्रालयले उपलब्ध गराएको तथ्यांक जानकारीअनुसार आज देशभर २८ सय १२ जना संक्रमित कोरोनामुक्त भएका छन् । यससँगै कोरोनामुक्त हुनेहरूको कुल संख्या एक लाख ५७ हजार ९२६ छ ।

पछिल्लो २४ घण्टामा थप २१ संक्रमितको मृत्यु भएको छ । यससँगै हालसम्म मृत्यु हुनेहरूको कुल संख्या ११ सय ८ पुगेको छ ।