अवैध सखुवा काठ बरामद

भद्रपुर, १९ कार्तिक । झापा प्रहरीले तयारी काठका ७ थान ढोका र २ थान झ्याल बरामद गरेको छ ।

दमक १ स्थित बरगाछी चौकमा अवैध रुपमा लगिदै गरेको झ्याल र ढोका प्रहरीले विशेष सुराकीको आधारमा पक्राउ गरेको हो ।

जिल्ला प्रहरी कार्यालय झापा र अस्थायी प्रहरी पोष्ट फाल्गुनन्दबाट खटिएको प्रहरी टोलीले सखुवा जातको काठ बरामद गरेपछि अनुसन्धानका लागि इलाका प्रहरी कार्यालय दमकमा राखेको जिल्ला प्रहरी कार्यालय झापाले जनाएको छ ।