आज नेपालमा थपिए ३५१७ संंक्रमित

काठमाडौँ १४ कार्तिक । पछिल्लो २४ घण्टामा थप ३ हजार ५ सय १७ जना कोरोना संक्रमित थपिएका छन्। यससँगै नेपालमा कोरोना संक्रमितको संख्या १ लाख ६८ हजार २ सय ३५ पुगेको छ ।

स्वास्थ्य तथा जनसंख्या मन्त्रालयका अनुसार शुक्रबार ४ हजार ९६ जना कोरोना संक्रमित डिस्चार्ज भएका छन्। हालसम्म डिस्चार्ज हुनेको संख्या १ लाख २८ हजार ९ सय ५८ पुगेको छ । पछिल्लो २४ घण्टामा १४ हजार ९ सय ८९ जनाको पीसीआर परीक्षण गरिएको छ । हाल देशभर सक्रिय संक्रमितको संख्या ३८ हजार ३ सय ५७ रहेको छ भने २ हजार ६ सय ६६ जना क्वारेन्टिनमा छन् ।

पछिल्लो २४ घण्टामा थप १६ जनाको कोरोनाबाट मृत्यु भएको छ । यससँगै नेपालमा कोरोनाबाट ज्यान गुमाउनेको संख्या ९ सय २० पुगेको छ ।