देशभरमा आज ५सय ७० जना कोरोना संक्रमित थपिए

काठमाडौं ११ कात्तिक । आज देशभरमा थप ५सय ७० जनामा कोरोना पुष्टि भएको छ । यससँगै नेपालमा हालसम्म कुल संक्रमितको संख्या एक लाख ६० हजार ४०० पुगेको छ । त्यस्तै, हाल सक्रिय संक्रमितको संख्या ४० हजार ६८१ छ । यससँगै संक्रमित मुक्त हुनेहरूको कुल संख्या एक लाख १८ हजार ८४३ छ । स्वास्थ्य तथा जनसंख्या मन्त्रालयले उपलब्ध गराएको तथ्यांक जानकारीअनुसार आज देशभर ३१ सय ६८ जना संक्रमित कोरोनामुक्त भएका छन् ।

पछिल्लो २४ घण्टामा थप १४ संक्रमितको मृत्यु भएको छ । यससँगै हालसम्म मृत्यु हुनेहरूको कुल संख्या ८७६ पुगेको छ ।