लागुऔषधसहित २ जना पक्राउ

गौरीगंज ७ कात्तिक । गौरीगंजमा लागुऔषधसहित २ जना पक्राउ परेका छन् । गौरीगंज गाउँपालिका वार्ड नं. ३ बस्ने अन्दाजी २० बर्षिय सुरज महातो र सोही वार्ड बस्ने अन्दाजी वर्ष ४० को कृष्ण महतो आज विहान करिब ७.३० बजे पक्राउ परेका हुन् ।

गौरीगंज गाउँपालिका वार्ड नं. ५ फत्तेपुर सीमा नजिकबाट कोरेक्स, हाईट्रोभेट ट्याव्लेटसहित २६ वटा आगुऔषध बोतल झोलामा राखेर साईकलमा नेपालतर्फ आउदै गरेको अवस्थामा उनीहरूलाई प्रहरीले पक्राउ गरेको हो । उनीहरूसहित बरामद गरिएको लागुऔषध र साईकल ईलाका प्रहरी कार्यालय गौैैरीगंजमा राखिएको छ ।