नेविसंघको रक्तदानमा ५३ जनाले गरे रगत दान

हल्दिवारी, २ कात्तिक । नेपाल विद्यार्थी संघ हल्दिबारी १ को आयोजनामा सम्पन्न रक्तदान कार्यक्रममा ५३ जनाले रक्तदान गरेका छन् ।

नेपाल रेडक्रस सोसाइटी झापाको प्राविधिक सहयोगमा सम्पन्न कार्यक्रमको उद्घाटन प्रदेश सभा सदस्य ओमप्रकाश सरावगीले गरेका थिए । कार्यक्रममा नेपाली कांग्रेस, नेविसंघका जिल्ला, क्षेत्र, गाउँपालिकाका नेता, विभिन्न राजनीतिक दलका प्रतिनिधि, स्थानीय जनप्रतिनिधि , लगायतको सहभागिता थियोे ।

कार्यक्रम नेबिसंघ हल्दिबारी १ का सभापति करन कटुवालको अध्यक्षता र सचिव किशोर ढुङेलको सञ्चालनमा सम्पन्न भएको थियो ।