नगरपालिकाको ट्याक्टरमा आगलागी
भद्रपुर, २ असोज । भद्रपुर १० नम्बर वडा कार्यालयमा पार्किङ्ग गरेर राखिएको ट्याक्टरमा आगलागी भएको छ । कार्यालय परिसरमा रहेको ट्याक्टर एक्कासी आगलागी भएको हो ।
वडा सचिव मनकुमार डाँगीका अनुसार मध्यान्न १२ः५० मा एक्कासी ट्याक्टरको हर्न वजेको आवाज आएको सुन्ने वित्तिकै हेर्दा फोहोर उठाउने ट्याक्टरको अगाडि इन्जिनबाट आगो निस्किरहेको देखिएको थियो ।
आगलागी सुरु भएको केही बेरमै नगरपालिकाको दमकल तथा स्थानीयको सहयोगमा आगालागी नियन्त्रणमा लिइएपछि थप क्षति हुन पाएन भने ट्याक्टरको अगाडिको भाग जलेर नष्ट भएको छ ।
स्रोतका अनुसार केहि दिन अगाडि देखि ट्याक्टरमा आफै हर्न बज्नेर, लाइट बल्ने निभ्ने लगायत समस्या आइरहेको थियो । तर नगरपालिकाले समयमा मर्मत सम्भार नगर्दा आगलागी भएको हुन सक्ने अनुमान छ ।
तर सचिव डाँगीले ट्याक्टरमा एक्कासी आगलागी भएको हो र ट्याक्टरमा अगाडिबाट कुनै समस्या नभएको जानकारी गराउछन् साथै फोहर उठाउने ट्याक्टरमा क्षती भएकोले भोलिबाट फोहर उठाउन समस्य हुन नदिन भद्रपुर नगरपालिकाकालाई जानकारी गराएको र फोहर उठाउने काममा कुनै पनि समस्या नआउने समेत जानकारी गराउछन् ।
भिडियो…….