नगरपालिकाको ट्याक्टरमा आगलागी
भद्रपुर, २ असोज । भद्रपुर १० नम्बर वडा कार्यालयमा पार्किङ्ग गरेर राखिएको ट्याक्टरमा आगलागी भएको छ । कार्यालय परिसरमा रहेको ट्याक्टर एक्कासी आगलागी भएको हो ।
वडा सचिव मनकुमार डाँगीका अनुसार एक्कासी ट्याक्टरको हर्न वजेको आवाज आएको सुन्ने वित्तिकै हेर्दा अगाडि इन्जिनबाट आगो निस्किरहेको देखिएको थियो ।
मध्यान्न १२:५० को समयमा आगलागी सुरु भएको केही बेरमै नगरपालिकाको दमकल तथा स्थानीयको सहयोगमा आगालागी नियन्त्रणमा लिइएपछि थप क्षति हुन पाएन भने ट्याक्टरको अगाडिको भाग जलेर नष्ट भएको छ ।
स्रोतका अनुसार केहि दिन अगाडि देखि ट्याक्टरमा आफै हर्न बज्ने, लाइट बल्ने निभ्ने लगायत समस्या आइरहेको थियो । तर नगरपालिकाले समयमा मर्मत सम्भार नगर्दा आगलागी भएको हुन सक्ने अनुमान छ ।