प्रदेश एकमा आज १०२ जना कोरोना संक्रमित थपिए

विराटनगर । प्रदेश नम्बर १ मा आज १०२ जनामा कोरोना संक्रमण पुष्टि भएको छ । योसँगै प्रदेशमा २ हजार ५८९ जना कोरोना संक्रमित पुगेका छन् । आज थपिनेहरुमा ३७ जना महिला र ६५ जना पुरुष छन्। जसमा मोरङका ४९, सुनसरीमा ३०, झापाका १७, भोजपुरमा ३, इलाममा १ र प्रदेश १ बाहिरका ३ जना रहेको सामाजिक विकास मन्त्रालयले जनाएको छ ।

प्रदेश १ मा कोरोना संक्रमितको संख्या २ हजार ५८९ पुगेको छ भने हालसम्म १ हजार २४३ जना डिस्चार्ज भएका छन् ।