भद्रपुर १० का दुई सय बढी नेकपा कार्यकर्ता नेपाली काँग्रेसमा प्रवेश

भद्रपुर । भद्रपुरमा दुई सय बढी व्यक्ति नेपाली काँग्रेसमा प्रवेश गरेका छन् । भद्रपुर १० स्थित केन्द्रमोडमा आयोजित कार्यक्रममा भद्रपुर १० का नेकपाका दुई सय कार्यकर्ता नेपाली काँग्रेसमा प्रवेश गरेका हुन् ।
नव प्रवेशीलाई नेपाली काँग्रेसका नेता कृष्णप्रसाद सिटौलाले सदस्यता प्रदान गर्दै स्वागत गरेका थिए । नेपाली काँग्रेस झापा जिल्ला कार्य समिति सदस्य विजय रिजालले दिएको जानकारी अनुसार नेकपा सरकारले नागरिकका समस्या बिर्सेर सत्ता लम्पट देखाउँदा देश संकटमा पर्न लागेकोले देश बचाउन काँग्रेसको साथ आवश्यक भएको भन्दै नेकपा त्यागेर दुई सय बढी व्यक्ति नेपाली काँग्रेसमा प्रवेश गरेका हुन् ।