पत्रकार गिरीराज भट्टराई पुरस्कृत हुने

दमक । दमकको मेची सहकारी संस्थाले आफना पूर्व अध्यक्ष स्व. गणेश प्रसाद बस्नेतको स्मृतिमा स्थापना गरेको स्व.गणेश प्रसाद बस्नेत सहकारी पत्रकारिता पुरस्कारबाट पत्रकार गिरीराज भट्टराई पुरस्कृत हुने भएका छन् । सहकारीले आफनो बार्षिक साधारणसभाका अवसरमा वितरण गर्दे आएको सो पुरस्कारवाट उनी पुरस्कृत हुने भएका हुन् । सप्तरङ्की एफएमका प्रवन्ध निर्देशक तथा नेपाल प्रेस यूनियनका झापा जिल्ला उपाध्यक्ष समेत रहेका भट्टराई लामो समयदेखि दमकमा कृयाशील छन् ।

उनी संगै स्व. गणेश प्रसाद बस्नेत सहकारी अभियान्ता पुरस्कारवाट यसवर्ष ओमदेवी मल्ललाई तथा मेची सहकारी पुरस्कारवाट उर्लावारीका पत्रकार रुपेन्द्र शेर्मा र मेची सञ्चार गृह पुरस्कारवाट विर्तामोडको साझा मञ्च मिडीयालाई प्रदान गरिने भएको सहकारीका अध्यक्ष नारायण प्रसाद भट्टराईले वताएका छन् । ती सवै पुरस्कार भदौ १२ गते हुने २४ औ बार्षिकोत्सव तथा २६ औ साधारणसभाका अवसरमा नगद,सम्मान पत्रसहित पुरस्कृत गरिने जनाईएको छ ।