नेपालमा संक्रमितको कूल संख्या ५०७ पुगेको छ
काठमाडौं । थप २० जनामा कोरोनाभाइरस संक्रमण पुष्टि भएको छ । आज बिहानै ३० जना संक्रमित थपिएका थिए । योसँगै नेपालमा संक्रमितको कूल संख्या ५ सय ७ पुगेको छ ।
शुक्रबार स्वास्थ्य मन्त्रालयले गरेको पत्रकार सम्मेलनमा डडेल्धुरा, मोरङ, बैतडीका एक-एक जना पुरूष, कैलालीका तीन जना र बाँकेका १४ जना पुरूषमा संक्रमण देखिएको प्रवक्ता विकास देवकोटाले जानकारी दिएका हुन् ।
कैलाली जानकी गाउँपालिकाका १९, २३ र २६ वर्षीय पुरूष, डडेल्धुराका २८ वर्षीय पुरूष, बैतडीका शिवनाथ १ का २२ वर्षीय पुरूष र बाँकेका १८ देखि ६१ वर्षका पुरूषमा संक्रमण देखिएको हो। मोरङ रतुवामाई २ का ४१ वर्षीय पुरूषमा संक्रमण देखिएको हो । संक्रमितहरूको हालको ठेगाना र स्थायी ठेगानाको आधारमा कन्ट्याक्ट ट्रेसिङको काम हुने मन्त्रालयले जनाएको छ ।