पोख्रेल ‘अर्डर अफ सेक्सपियर मेडल’द्वारा सम्मातिन

दमक । झापा दमकका अग्रज व्यक्तित्व खेमलाल पोखरेलले अन्तराष्ट्रिय सम्मान पाएका छन् । नेपालीसहित अङ्गेजी भाषा र साहित्यमा दख्खल राख्ने पोख्रेललाई सेक्सपियर जयन्तीको अवसरमा प्रदान गरिदै आएको अन्तराष्ट्रिय अवार्ड ‘अर्डर अफ सेक्सपियर मेडल’ २०२० बाट सम्मान पाएका हुन् । विश्वका लेखकहरु छनोट गर्ने क्रममा परेका पोख्रेलले उत्प्रेरक हुने किसिमका अंग्रेजी तथा नेपालीमा ६४ भन्दा बढि पुस्तक लेखेको उल्लेख छ भने कतिपय पुस्तक पीएचडीमा समेत पढाई हुने पनि हुदैआएको जनाईएको छ ।

प्रतिभा निकेतन दमकका संस्थापक अध्यक्ष,दमक बहुमुखी क्याम्पसका पूर्व प्राध्यापक, सत्याल पब्लिकेशनका वरिष्ठ सम्पादक भएर उनले नेपाली भाषा, साहित्य,कला तथा संस्कृतिका क्षेत्रमा विशिष्ट योगदान पुरयाँउदै आएका छन् । दमक ६ निवासी पोख्रेल दमक प्रज्ञा प्रतिष्ठानका सदस्य समेत हुन् ।