भद्रपुर झापा गोल्ड कप सफल बनाउन प्रेस क्लब भद्रपुरको अपील

भद्रपुर । भद्रपुर स्थित मेची रङ्गशालामा फागुनबाट हुन लागेको भद्रपुर झापा गोल्ड कप प्रतियोगिता सफलता पूर्वक सम्पन्न गराउन प्रेस क्लब भद्रपुरले सञ्चारकर्मी तथा संञ्चार संस्थासित सहयोगका लागि अपील गरेको छ ।

क्लबका अध्यक्ष राजबाबु शंकरको अध्यक्षतामा सम्पन्न बैठकले भद्रपुर नगर क्षेत्रको पहिलो आयोजनामा सम्पन्न हुने गोल्ड कपको सफलताका लागि सञ्चार क्षेत्रबाट निस्वार्थ सहगोग गर्न सवै सञ्चारकर्मी तथा सञ्चार संस्थालाई अपील गर्ने निर्णय गरेको हो ।

बैठकले खेल क्षेत्रको उन्नति समग्र भद्रपुरको उन्नतिसित गाँसिएको ठहर गर्दै मेची रङ्गशालाको स्तरीकरणका लागि पनि सो गोल्ड कप अविस्मरणीय रहेकाले सवै सञ्चार जगतको सहयोग अनिवार्य भएको उल्लेख गरिएको छ ।