भद्रपुर १० मा हनुमान टोल उत्कृष्ट

भद्रपुर । भद्रपुर १० नम्वर वडा कार्यलयले वडाभित्र रहेका टोल विकास संस्था मध्ये उत्कृष्ट छनौट गरी सम्मानित समेत गरेको छ ।

वडा भित्र सञ्चालनमा रहेका टोल विकास संस्थाहरू मध्ये हनुमान टोल विकास संस्थाले आर्थिक वर्ष २०७८÷०७९ मा उत्कृष्ट योगदान गरेको ठहर गरी वडा कार्यलयले सम्मान गरेको हो ।

उत्कष्ट टोल विकास समितिका अध्यक्ष खड्गबहादुर बुढाथेकीलाई सम्मानित गरिएको थियो ।

भद्रपुर १० का वडाध्यक्ष टेकबहादुर खड्का काजीको अध्यक्षता तथा भद्रपुर नगर उपप्रमुख राधा कार्कीको प्रमुख आतिथ्यमा सम्पन्न कार्यक्रममा भद्रपुर नगरपालिकाका प्रमुख प्रशासकीय अधिकृत टेककुमार रेग्मी, सम्मानित संस्थाका अध्यक्ष खड्गबहादुर बुढाथोकी लगायतले शुभकामना मन्तव्य राखेका थिए भने सञ्चालन वडा सचिव मनकुमार डाँगीले गरेका थिए ।