काँग्रेस झापा १ को अगुवा कार्यकर्ता प्रशिक्षण सम्पन्न

भद्रपुर । नेपाली काँग्रेसका भातृ संस्थाको सम्युक्त आयोजनामा झापा क्षेत्र नम्वर १ अन्तरगत मेची नगर र भद्रपुरको ५ वटा वडाका अगुवा कार्यकर्तालाई प्रशिक्षण दिइएको छ ।

भद्रपुर ९ स्थित मुना सामुदायिक भवनमा नेपाल महिला संघ, तरूण दल र नेपाल विद्यार्थी संघको संयुक्त आयोजना तथा नेपाली कांग्रेस भद्रपुर ९ को आतिथ्यमा मेची नगरका १२, १३, १४ र भद्रपुर ९ र १० का तरूण, महिला र विद्यार्थी समेतको सहभागितामा १ दिने प्रशिक्षण कार्यक्रम सम्पन्न गरिएको हो ।

नेपाली कांग्रेसकी केन्द्रीय सदस्य गोमा भट्टराईको प्रमुख आतिथ्यता तथा तरूण दलको क्षेत्रीय सभापति अर्जुन राईको अध्यक्षतामा भएको कार्यक्रममा राजाबाबु शाहले प्रशिक्षण प्रदान गरेका थिए ।

कार्यक्रमको उद्देश्यमाथि अर्जुन राईले प्रकाश पारेको कार्यक्रममा स्वागत मन्तव्य क्षेत्रीय प्रतिनिधि पार्वती मल्लले र कार्यक्रम संचालन तरूणदल क्षेत्रीय सचिव संदिप ओलीले गरेका थिए । कार्यक्रममा जनजाति महासंघका केन्द्रीय सदस्य भरत सुब्बा, महाधिवेशन प्रतिनिधि तारावीर कटुवाल, लोकराज ढकाल, शुशिला रिजाल, टीका सुवेदी, महिला संघ क्षेत्रीय सभापति रसना घिमिर,े जिल्ला सदस्य रमेश पोखरेल समेतको उपस्थितिमा कार्यक्रम सम्पन्न गरिएको नेपाली काँग्रेस भद्रपुर ९ का सभापति चेतनाथ भट्टराईले जानकारी दिए ।