बाह्रदशी जेसीजमा एकै दिन ३ कार्यक्रम
भद्रपुर । बाह्रदशी जेसीजको आयोजनामा एक दिने पार्लमेन्ट्री मिटिङ्ग रिप्रोडुर्स तालिम सम्पन्न गरिएको छ ।
बाह्रदशी जेसीजका अध्यक्ष पुष्पलाल धमलाको सभापतित्व तथा नेपाल जेसीजका राष्ट्रिय उपाध्यक्ष कुमारसिंह साँवा लिम्बूको प्रमुख आतिथ्यमा तालिम सम्पन्न भएको हो ।
प्रशिक्षणमा सहभागीलाई सुरूङगा जेसीजका सन् २०१० का अध्यक्ष कुमारमणि पोखरेलले प्रशिक्षण प्रदान गरेका थिए ।
३४ जनाले भाग लिएको प्रशिक्षण कार्यक्रममा बाह्रदशी गाउँ पालिकाका अध्यक्ष देवेन्द्रप्रसाद चौलागाई, उपाध्यक्ष शान्ति खरेल लगायत ७ वटै वडाका वडाध्यक्षको उपस्थिति रहेको थियो ।
यसैगरी बाह्रदशी जेसीजले विविध गतिविधि जानकारी गराउने उद्देश्यले प्रकाशन सुरू गरेको भित्ते पत्रिकाको विमोचन समेत गरेको छ ।
त्यस्तै जेसीजको आयोजनामा बाह्रदशी गाउँपालिकामा नव निर्वाचित जनप्रतिनिधिहरूको सम्मान तथा बधाई शुभकामना कार्यक्रम सम्पन्न गरिएको छ ।
सम्मान कार्यक्रममा गाउँ पालिका अध्यक्ष, उपाध्यक्ष तथा वडाध्यक्षहरूलाई कार्यकाल सफलताको कामना सहित बधाई शुभकामना प्रदान गरिएको हो ।
