बाह्रदशी वडा महिला समितिद्वारा तालिम सम्पन्न

बाह्रदशी । बाह्रदशी गाउँपालिका वडा नं. ४ का वडा महिला समितिले त्रिदिवसीय उद्घोषण तथा माइन्युट लेखन तालिम सम्पन्न गरेको छ ।

बाह्रदशी गाउँपालिका वडा नं. ४ को सहयोगमा वडा महिला समितिद्वारा फागुन १ गतेदेखि ३ गतेसम्म आयोजित तालिममा संचारकर्मी तथा विरता लेडी जेसीज वर्ष २०२१ का अध्यक्ष स्वस्तिका आचार्यले प्रशिक्षण दिएका थिए ।

समितिका अध्यक्ष बालकुमारी लामिछाने बजगाईको अध्यक्षतामा समापन कार्यक्रममा प्रमुख अतिथि गाउँपालिकाका उपाध्यक्ष रत्नाकुमारी राजवंशी, विशिष्ठ अतिथि वडा अध्यक्ष समिम मिया, अतिथिहरु वडा सदस्य साविर महोम्मद, समितिका निवर्तमान अध्यक्ष सरिता खड्का लगायतले मन्तव्य व्यक्त गर्दै सो तालिमले ग्रामिण महिलाहरुमा आत्वविश्वास प्रदान गर्ने र महिलाहरुलाई नेतृत्व क्षमताको विकास हुने कुरामा जोड दिएको कार्यक्रम संचालक समितिका सह–सचिव हरिमाया कार्की वानियाले जानकारी गराए ।