कारको ठक्करबाट एक महिलाको मृत्यु

भद्रपुर । झापाको बाह्रदर्शी गाउँपालिका वडा नं. ७ सिमल चौक स्थित भित्री पक्की सडक खण्डमा कारको ठक्करबाट आज एक महिलाको मृत्यु भएको छ । दक्षिणवाट उतर तर्फ जादै गरेको प्र १–०१–०१२प १९४२ नम्बरको स्कुटरलाई सोही दिशा तर्फ जादै गरेको प्र.१–०१–००१ च ७२७७ नम्बर को कारले पछाडीवाट ठक्कर दिदा भएको सवारी दुर्घटनामा स्कुटरको पछाडी सवार, पुरा ठेगाना नखुलेकी जनकपुरकी ३२ बर्षिया सरस्वती मगरको तत्काल मृत्यु भएको हो ।

स्कुटर चालक सोही ठाउँकी २८ बर्षिया प्रमिता कार्कीको गम्भिर अवस्थामा विएण्डसी अस्पताल विर्तामोडमा उपचार भइरहेको १ नम्बर प्रदेश ट्राफिक प्रहरी कार्यालय इटहरीले जनाएको छ । कार चालक ईलाम माई जोगमाई गाउँपालिका वडा नं। २ का २४ बर्षिय जंगबहादुर बस्नेतले मादक पदार्थ सेवन गरेर सवारी चलाएको पाइएको ट्राफिक प्रहरीले जनाएको छ । उनलाई प्रहरीले नियन्त्रणमा लिएको छ ।