युवा परिषदले मण्डललाई गर्यो सम्मान

भद्रपुर । भद्रपुर नगरपालिका, नगर युवा परिषद्ले पत्रकार पार्थ मण्डललाई सम्मान गरेको छ ।

अन्तराष्ट्रिय युवा दिवसको अवसर पारेर नगर युवा परिषद्ले युवा पत्रकार रुपमा मण्डललाई सम्मान गरेको हो ।

नगरपालिकामा आयोजित युवा सम्वाद तथा सम्मान कार्यक्रममा नगरपालिकाका मेयर जीवनकुमार श्रेष्ठले दोसल्ला ओढाएर पत्रकार मण्डललाई सम्मान पत्र प्रदान गरेका थिए । प्रेस क्लव भद्रपुरका सचिव समेत रहेका पत्रकार मण्डल पूर्वाञ्चल दैनिक, थाहाखबर, एबिसी टेलिभिजन, हिमालयन टाइम्स, मकालु टेलिभिजन, सुर्योदय टेलिभिजन, आगन एफएम र टाइम्स अफ प्रदेश लगायत मिडियामा आवद्ध छन् ।

नगर युवा परिषदका कार्यकारी उपाध्यक्ष सरोज ढकालको संयोजनमा भएको कार्यक्रमको सञ्चालन नगर शिक्षा, युवा तथा खेलकुद शाखाका प्रमुख प्रेम भुजेलले गरेका थिए ।