विषादीयुक्त माछा नष्ट गरिए

गौरीगंज । भारतीय बजारबाट ल्याईएको विषादीयुत्त माछा नष्ट गरिएको छ । गौरीगंज नाकाबाट लुकाईछिपाई ल्याईएको विषादीयुत्त माछा आज गौरीगंज बजारमा बेच्न राखेको अवस्थामा नियन्त्रणमा लिई नष्ट गरिएको हो । गौरीगंज गाउँपालिका वार्ड नं। ३ का अध्यक्ष तथा गौरीगंज उद्योग वाणिज्य संघका अध्यक्ष मखना महतोको अगुवाइमा ईलाका प्रहरी कार्यालय गौरीगंजको टोलीले करिब ५ क्विन्टल कुहिन लागेको विषादीयुत्त माछा खाडल खनेर माटोले पुरेको हो । कुहिन लागेको उत्त माछा बजारमा बेच्न राखेको खबर पाएपछि वार्ड अध्यक्ष महतो सहित प्रहरीको टोली घटनास्थल पुगेको थियो ।