झापा गापाको मुस्लिम गाउँमा आगलागी

झापा । झापा गाउँपालिका १ स्थित सडकवासीको मुस्लिम गाउँमा आगलागी हुँदा करिब १ लाख ५० हजार मूल्य बराबरको क्षति भएको छ ।शनिवार दिउँसो अन्दाजी ४ बजे सञ्जय दासको घरमा कोही नभएका बेला अचानक आगलागी हुँदा सम्पूर्ण घर जलेर पूर्ण रुपमा नष्ट भएको प्रहरीले जनाएको छ ।

आगलागीको कारणका विषयमा अनुसन्धान हुन बाँकी रहेको प्रहरीले जनाएको छ । आगलागीबाट दासको कच्ची घर, घरभित्र रहेको नगद, खाद्यान्न, लत्ताकपडा जल्दा करिब रु १ लाख ५० हजार बराबरको क्षति भएको इलाका प्रहरी कार्यालय कुमरखोदका प्रमुख प्रहरी नायब निरीक्षक खड्गबहादुर गिरीले बताए ।