वैदिक बचतको रक्तदानमा १९ जनाले रगत दिए

भद्रपुर, ३ माघ । भद्रपुर १० स्थित वैदिक बचत तथा ऋण सहकारी संस्थाको १० औं स्थापना दिवशको अवसर पारेर आयोजित रक्तदान कार्यक्रममा १९ जनाले रक्तदान गरेका छन् ।

नेपाल रेडक्रस सोसाइटी झापा शाखाको प्राविधिक सहयोग रहेको सो कार्यक्रममा ४ जना महिला सहित १९ जनाले रक्तदान गरेका हुन् ।

संस्थाका अध्यक्ष अरूण बस्नेतको अध्यक्षता तथा भद्रपुर १० का वडाध्यक्ष टेकबहादुर खड्का काजीको प्रमुख आतिथ्यमा सम्पन्न उद्घाटन समारोहमा संस्थाका उपाध्यक्ष प्रकाश निरौलाले कार्यक्रमको औचित्यमाथि प्रकाश पारेका थिए ।