सवारी दुर्घटनामा २ को मृत्यु

भद्रपुर २१ पुस । पूर्वपश्चिम राजमार्ग अन्तरगत झिलझिलेमा आज भएको सवारी दुर्घटनामा परी सुनसरीका दुईजनाको मृत्यु भएको छ । मृत्यु हुनेमा सुनसरी बराह क्षेत्र ७ बस्ने २९ बर्षीय ज्ञानेन्द्र तामाङ र इटहरी उपमहानगरपालिका–१ की सलिना राई रहेको प्रहरीले जनाएको छ ।

प्रहरीका अनुसार पूर्व पश्चिम राजमार्ग अन्तर्गत शिवसताक्षीमा मङ्गलवार बिहान पश्चिमबाट पूर्वतर्फ जाँदै गरेको को १ ख ६०९८ नम्बरको बसले अर्को बसलाई उछिन्ने क्रममा विपरीत दिशाबाट आएको प्रदेश १-०२-०४३ प ९२१८ नम्बरको मोटरसाइकल ठक्कर दिएको थियो । ठक्करबाट मोटरसाइलमा सवार तामाङ र राई दुवै गम्भीर घाइते भएका थिए । उनीहरु दुवैलाई विर्तामोडस्थित विएण्डसी अस्पतालमा उपचारका क्रममा मृत्यु भएको प्रहरीले जनाएको छ ।