देशभरमा आज २९०९ जनामा कोरोना संक्रमितको पुष्टि

काठमाडौं २१ कात्तिक । बितेको २४ घण्टामा देशभर थप २ हजार ९ सय ९ जनामा कोरोना पुष्टि भएको छ । यससँगै नेपालमा हालसम्म कुल संक्रमितको संख्या एक लाख ८८ हजार ८८३ पुगेको छ । त्यस्तै, हाल सक्रिय संक्रमितको संख्या ३४ हजार ९०५ छ ।

स्वास्थ्य तथा जनसंख्या मन्त्रालयले उपलब्ध गराएको तथ्यांक जानकारीअनुसार आज देशभर ४५ सय जना संक्रमित कोरोनामुक्त भएका छन् । यससँगै कोरोनामुक्त हुनेहरूको कुल संख्या एक लाख ५२ हजार ९०८ छ ।

त्यस्तै, पछिल्लो २४ घण्टामा थप १८ संक्रमितको मृत्यु भएको छ । यससँगै हालसम्म मृत्यु हुनेहरूको कुल संख्या एक हजार ७० पुगेको छ ।