एक कैदी वन्दी सहित झापामा आज १६ जना संक्रमित थपिए

भद्रपुर ८ कात्तिक । झापामा आज एक कैदी, ३ महिला र १३ पुरुष गरी १६ जनामा कोरोना संक्रमित पोजेटिभ पुष्टि भएको जिल्ला स्वास्थ्य कार्यालय झापाले जनाएको छ ।
स्वास्थ्य कार्यालयका अनुसार भद्रपुरमा १ महिला र पुरुष गरी २ जना जस मध्ये १ जना कैदी वन्दी रहेको, विर्तामोडमा २ महिला र ७ पुरुष गरी ९ जना, अर्जुनधारामा १ जना पुरुष, शिवसताक्षीमा १ जना, बाह्रदशीमा १ जना पुरुष र मेचीनगरमा २ जना पुरुष गरी १६ जना कोरोना संक्रमित रहेको जनाएको छ ।
आज सम्म २९१८४ जनाको पीसीआर स्वाव संकलन गरी सकेको, १ हजार ७ सय ३० जना झापामा कोरोना संक्रमित, एक हजार ९० जना कोरोना संक्रमित डिस्चार्ज भएको, आइसोलेसनमा रहेका सक्रिय संक्रमित ६ सय १७ जना र २३ जनाको मृत्यू भएको छ ।