नेपालमा आज थपिए चार हजार ३९२ जना कोरोना संक्रमित
काठमाडौँ ३० असोज । नेपालमा पछिल्लो २४ घण्टामा चार हजार ३९२ जनामा कोरोना भाइरस संक्रमण पुष्टि भएको छ । योसँगै नेपालमा कोरोना संक्रमितको कुल संख्या एक लाख २६ हजार १३७ पुगेको छ । स्वास्थ्य मन्त्रालयको नियमित प्रेस ब्रिफिङमा मन्त्रालयका प्रवक्ता प्रा डा जागेश्वर गौतमले नेपालमा बितेको २४ घण्टामा चार हजार ३९२ जनामा कोरोना भाइरसको संक्रमण पुष्टि भएको जानकारी दिए ।
उनका अनुसार कोरोना संक्रमण पुष्टि भएका संक्रमितहरु सबैको स्वास्थ्य अवस्था सामान्य रहेको छ भने उनीहरु चिकित्सकको निगरानीमा रहेका छन । मन्त्रालयका अनुसार आजसम्म देशभर सक्रिय संक्रमितको संख्या ३७ हजार ३८२ रहेको छ । देशभरका संस्थागत आइसोलेसन १२ हजार ३३६ जना र होम आइसोलेसनमा २५ हजार ४६ जना रहेका छन् । आजसम्म देशभर ४ हजार ८०८ जना क्वारेन्टिनमा रहेका छन् ।
नेपालमा कोरोना भाइरस संक्रमणाट थप २१ जनाको मृत्यु भएको छ । योसँगै हालसम्म कोरोना संक्रमणबाट ज्यान गुमाउनेको संख्या ७१५ पुगेको छ ।