ब्राउन सुगर सहित दुई व्यक्ति पक्राउ

झापा, २५ असोज । सशस्त्र प्रहरी बल नेपाल हेडक्वाटर नं २ झापाको टोलीले २ जना व्यक्तिलाई प्रतिबन्धित लागु औषध ब्राउन सुगर सहित पक्राउ गरेको छ ।

सशस्त्र, नेपाल प्रहरी र राष्ट्रिय अनुसन्धान विभागको सम्युक्त टोलीले चेकजाच गर्ने क्रमममा स. १० प १६४२ नं. को मोटरसाईकलमा सवार मेची नगर ८ का ३५ वर्षीय सञ्जीव राजवंशी र मेनपा ७ का ३५ वर्षीय सुवास दर्जीलाई ब्राउन सुगर सहित पक्राउ गरेको हो ।

भारतबाट अवैध रूपमा ल्याइएको लागु औषध ब्राउन सुगर १५७ ग्राम सहित मोटरसाइकल र कारोवारको आरोपी दुवैजनालाई आवश्यक कारबाहीका लागि इलाका प्रहरी कार्यालय काँकरभिट्टाको जिम्मा लगाइएको सशस्त्र प्रहरी बल नेपाल हेडक्वाटर नं २ झापाले जनाएको छ ।