नेपालमा आज थपिए ९७९ जना कोरोना भाइरस संक्रमित

काठमाडौं । आज सोमबार थप ९७९ जनामा कोरोना भाइरस ९कोभिड–१९० संक्रमण पुष्टि भएको छ । योसँगै नेपालमा कोरोना संक्रमितको संख्या ४७ हजार २३६ पुगेको स्वास्थ्य मन्त्रालयले जनाएको छ । यस्तै, पछिल्लो २४ घण्टामा थप १७ सय ३६ जना कोरोना संक्रमण मुक्त भएका छन् । योसँगै कुल डिस्चार्ज हुनेको संख्या ३० हजार ६७७ पुगेको छ । यो संख्या कुल संक्रमितको ६५ प्रतिशत रहेको पनि स्वास्थ्य मन्त्रालयका प्रवक्ता जागेश्वर गौतमले बताए । पछिल्लो समय ९ हजार २१८ जनाको पिसिआर परीक्षण गरिएको छ । देशभर सक्रिय संक्रमितको संख्या १६ हजार २५९ छ । हाल क्वारेन्टाइनमा ४ हजार ७३९ जना छन् ।