सशस्त्र प्रहरी सीमा सुरक्षा बल काँकरभिट्टाका १८ सहित २५ जना संक्रमित
भद्रपुर । झापामा आज सशस्त्र प्रहरी सीमा सुरक्षा बल काँकरभिट्टाका एक महिलासहित १८ जवान संक्रमित देखिएका छन् । सशस्त्रका १८ जवान बाहेक झापामा अन्य ७ जना आज संक्रमण देखिएको छ । सशस्त्र प्रहरी काँकरभिट्टाका यस अघि दुई जना संक्रमित भएका थिए ।
संक्रमित अन्यमा, साउदीअरब, दुबई र भारतबाट फर्किएका झापा गाउँपालिकाका ३ जना पुरुष, भारतबाट फर्किएका बाह्रदशी गाउँपालिाका ३ जना पुरुष र भारतबाटै फर्किएका बिर्तामोड नगरपालिकाका एक पुरुषमा संक्रमण देखिएको जनस्वास्थ्य कार्यालय झापाका फोकल पर्सन जीवन चमलागाईले जानकारी दिए ।
योसहित झापामा संक्रमितको संख्या ३ सय ४५ पुगेको छ ।