झापामा आज एक जनामा कोरोना संक्रमण पुष्टि

भद्रपुर । जिल्लामा आज एक जनामा कोरोना संक्रमण पुष्टि भएको छ । योसँगै झापामा कोरोना संक्रमितको कुल संख्या तीन सय एक पुगेको छ । संक्रमण पुष्टि हुनेमा कचनकवल गाउँपालिका वडा नं. ३ का २३ बर्षीय पुरुष रहेको जनस्वास्थ्य कार्यालय झापाका फोकल पर्सन जीवन चम्लागाईले बताए । उनी केहीदिन अगाडी भारतको बैगलोरबाट आएर क्वारेन्टाइनमा बसेको जनाइएको छ । संक्रमित पुरषलाई आईसोलेशन केन्द्र गोठगाउँ मोरङ लगिएको स्वास्थ्य कार्यालय झापाले जनाएको छ ।

संक्रमण मुक्त भई घर फर्कनेको संख्या झापामा २११ रहेको फोकल पर्सन चम्लागाईले जानकारी दिए ।