भद्रपुर ३ मा पञ्चेबाजासहित सामुहिक धान रोपाइँ

झापा । राष्ट्रिय धान दिवस २०७७ को पालना गर्दै भद्रपुर नगरपालिका वडा नं ३ मा पञ्चेबाजासहित सामुहिक धान रोपाइँ गरिएको छ । किच्चकबध धार्मिक, ऐतिहासिक क्षेत्र विकास समितिका अध्यक्ष तथा सामाजिक ब्यक्तित्व दिलबहादुर थेवेको आयोजनामा आज पञ्चेबाजासहित सामुहिक धान रोपाइ गरिएको हो । प्रदेशसभाका सदस्य बसन्त बानियाँको आतिथ्यतामा सम्पन्न रोपाइँ दिवसमा किसान दाजुभाइ दिदिबहिनीहरुलाई छाता तथा घुम प्रदान गरिएको छ । रोपाईँ दिवसलाई सम्बोधन गर्दै प्रदेशसभाका सदस्य बानियाँले अबको यात्रा कृषि पेसालाई अनिवार्य र सम्मानित बनाउँदै खाद्यान्नमा राष्ट्रलाई आत्मनिर्भर बनाउनु आवश्यकता रहेको बताए ।