भद्रपुरमा नगर स्तरीय प्रतियोगितात्मक साँस्कृतिक तथा विज्ञान प्रदर्शनी सम्पन्न

भद्रपुर । भद्रपुर नगर शिक्षा शाखाको आयोजनामा नगर स्तरीय साँस्कृतिक प्रतियोगिता तथा विज्ञान प्रदर्शनी सम्पन्न भएको छ ।

नगरमा रहेका ६२ वटै विद्यालयहरूले प्रतिष्पर्धा गरेको प्रतियोगिताको विज्ञान प्रदर्शनीमा ग्यालेक्सी प्रथम, होलिल्याण्ड द्वितीय, पृथ्वी निमावि तृतीय र ग्रिनफिल्ड माविले सान्त्वना पुरस्कार प्राप्त गरेका छन् भने नृत्यतर्फ आधारभूत तहका लागि ग्रिनफिल्ड प्रथम, सिता निमावि द्वितीय, आदर्श मावि तृतीय र हिमालयन माविले सान्त्वना पुरस्कार प्राप्त गरेका छन् । त्यस्तै माध्यमिक विद्यालय तर्फ नृत्यमा प्रथम विभूति विद्या मन्दिर र होलीलेण्ड, द्वितीय अरनिको मावि र ग्रिनफिल्ड, तृतीय वीरेन्द्र र ग्यालेक्सी सान्त्वना मोरान र एमरल्ड एकाडेमी भएका छन् ।