प्रकाश एकता कृषि सहकारीको १५ औं सभा सम्पन्न

भद्रपुर । प्रकाश एकता कृषि सहकारी संस्था लिमिटेड भद्रपुर ९ को १५ औं वार्षिक साधारण सभा विविध कार्यक्रमका बीच सम्पन्न गरिएको छ ।

सहकारीका अध्यक्ष गोपालप्रसाद श्रेष्ठको सभापतित्व तथा प्रदेश १ का भूमि व्यवस्था मन्त्री ओमप्रकाश सरावगीको प्रमुख आतिथ्यमा अग्रज तथा उत्कृष्ट व्यक्तित्व सम्मान सहित सभा सम्पन्न गरिएको हो ।

अध्यक्ष श्रेष्ठले वार्षिक नीति तथा कार्यक्रम प्रस्तुत गर्दै कृषिको उन्नतिका लागि कृषक केन्द्रित कार्योजना प्रस्तुत गरेका थिए ।

सचिव शालिग्राम नेपालले सञ्चालन गरेको कार्यक्रममा भद्रपुर नगर उपप्रमुख राधा कार्की, संस्थाका पूर्व अध्यक्ष भगिरथ नेपाल, सामाजिक व्यक्तित्व दुर्गाप्रसाद भट्टराई, चन्द्रगढी दोश्रो खानेपानीका अध्यक्ष चुडामणि मैनाली लगायतले शुभकामना मन्तव्य राखेका थिए ।