मोटरसाईकलको ठक्करबाट पैदल यात्रीको मृत्यु

भद्रपुर । झापाको अर्जुनधारा नगरपालिका–९ स्थित भित्रि सडक खण्डमा मोटरसाईकलको ठक्करबाट १ जना पैदल यात्रीको मृत्यु भएको छ । मृत्यु हुनेमा अर्जुनधारा–९ का ५८ बर्षीय राजेन्द्र थापा रहेका छन ।

आइतबार राती साढे ६ बजे को ९ प १७६३ नम्बरको मोटरसाईकलले ठक्कर दिदा घाईते भएका पैदल यात्री थापाको बिर्तासिटी अस्पताल बिर्तामोडमा उपचारको क्रममा मृत्यु भएको प्रहरीले जनाएको छ । ठक्कर दिने मोटरसाइकल र चालक इलाम रोङ–२ का अर्जुन तामाङलाई इलाका प्रहरी कार्यालय अनारमनीले नियन्त्रणमा लिई थप अनुसन्धान भइरहेको बताइएको छ ।