विश्व वातावरण दिवसको अवसरमा वृक्षा रोपण

बाह्रदशी । विश्व वातावरण दिवसको अवसर पारेर बाह्रदशी जेसीजले वृक्षा रोपण कार्यक्रम सम्पन्न गरेको छ ।

एक विरुवा मेरो जीवनको लागि भन्ने नाराका साथ जेसीजले बाह्रदशी-६ विहीबारेमा अवस्थित मिनी माउण्टेल स्कुलको प्राङ्गणमा वृक्षा रोपण कार्यक्रम सम्पन्न गरेको हो । बाह्रदशी जेसीजका अध्यक्ष विगम श्रेष्ठ लगायत बोर्ड पदाधिकारी एवम् सदस्यहरुले वृक्षा रोपण गरेको कार्यक्रमको संयोजक यूवा तथा वातावरण संयोजक डिक कुमार कटुवाल रहेका थिए ।

वातावरण संरक्षणका लागि विश्वमै राजनीतिक र सामाजिक जनचेतना जगाउने उद्देश्यका साथ सन् १९७२ को ५ जुनदेखि १६ जुनसम्म संयुक्त राष्ट्रसङ्घको महासभाले विश्व वातावरण सम्मेलनको आयोजना गरेको थियो । सम्मेलनको एक वर्षपछि वातावरणीय संरक्षणको आवश्यकता महसुस गरी ५ जुन १९७३ मा पहिलो पटक विश्व वातावरण दिवस मनाउन सुरु गरिएको हो ।